15 49.0138 8.38624 1 0 4000 1 https://wyrta.com 300 0
Advertisement ad1

Tlot biej ka sorkar Congress ha Meghalaya liang wanang: BJP

0 Comments

Shillong: U Montri khynnah ka sorkar NDA uwa pait ya ka Election ha Meghalaya, u Alphons Kananthanam da ong u wa ka Bharatya Janata Party (BJP) wa daw lai ko cha ki paidbah ka jylla ha kani ka Election da iwi i sur wow yalap pyrchah ya ki kaam baamtooh.

Hawa yaklam wa kiwa pathai khubor ha Shillong, u Alphons da ong u wa ki paidbah ymtoh de u jied ki ya ka Congress neibhah ka sorkar yong ka hapoh ka jylla toh kawa baamtooh.

Da pynbaad u wa ka sorkar Congress hapoh yong ka ymtoh kawa hoi wei ym ye ko u e ya i chakri wow wanrah ya ki kaam pynroi ya ki paidbah ka jylla.

Da ong u leh wa sñiaw phylla u wa ya ka 5th Pay Commission hadooh katni leh kani ka sorkar jylla ym ye ko u pynkrehkaam ka wei ini toh iwa chah lehbeiñ ki paidbah.

“Ym jooh sñiaw ha pyrthai wa ka sorkar ym ye ko u su tulop ya kiwa kreh ko wei ini da jia i du ha Meghalaya donhi” da ong u Alphons.

Chooh chooh da ong u wa ka sorkar ha Meghalaya ym ye ko u booh ya ki College sorkar kiwa toh u em ha waroh ki District wei ini da ktah ko ya ka mynried ki khynroo khyllood ka jylla.

Da kdaw u leh yei khynnia ki luti ki syngkieñ wei ka sorkar ym em leh ko iyi iyi leh yeini hanlada ka jylla Meghalaya man ko kawa miat wei ye ko u man kam kawi na ki thaw lai uiñke suwari wa pawnaam ha ka pyrthai kawa ye u pynyaryngkat wa kiwa boon ki thaw.

Kamtæ da toh por ya ki paidbah wow kyruiñ ki cha ka BJP kawa pynman sakhiat ya ini waroh wei man ko leh i thrang u Montri Rangbahdooh ka ri wow wanrah ya ka roi ka paar cha waroh ki bynta ka ri.

Da beiñ u leh ya ka sorkar jylla wa ym ye ko u chna ya ka Mining Plan deiwa ong waka National Green Tribunal (NGT) da khang ko wow tih mooyong ha kani ka jylla iwa da ktah ya ki khloo ki kjam wei da ktah ko leh ya ki um ki wah wei ini pynyoo wa ka sorkar ymtoh kawa krehkaam.

Ini waroh i tlot ka sorkar iwa da wanrah ko boon i dooh myntoi ya ka sorkar kamjooh leh ya ki paidbah.

0 Comments

Leave a Reply