Toh FIR ki dkhot ka JAC hadien i yachem wa u Sanbor Shullai

Heiyatoh wa iwa jia ha ka yachemlang wa da khut da u Sanbor Shullai, MLA uwa man leh kam u Montri sorkar yow yaklam heiyatoh wa ka Shillong Ropeway Project heiwa ki dkhot ka Joint Action Committee (JAC) ym em hun ki heiwa da mih leh i kulmar.

Neiliang kawi ka manbei wa tip kam ka Ladaphila Kharbuli kawa chong chnong ka Lower Lumparing da booh FIR ko pyrchah ya ki dkhot ka JAC deiwa ong wa pynemkaam ki da ki kyntien wow beiñ pyrchah ya u khon ko, u Pynhunlang Kharbuli wa ya u kurim ka khon ko, u Anthony Marwein (Bah Bun).

Da ong wa ha kani ka yalang wa da khut da u Sanbor Shullai kawa da pyman ha State Convention Centre, Shillong, neiliang ki dkhot ka JAC dei wym hun da pyrchang ki wow khanglaad ya u Sanbor wow mih u deiwa dawa na oo wow e jubab u.

Heini i por, u Pynhunlang wa u Anthony da pyrchang ki wow yada ya u Sanbor na ki dkhot ka JAC kiwa da tia chajan u.

Hadien ini da mih khubor wa ki dkhot ka JAC da khut pyrtuid ki ya u Pynhunlang wa u Anthony kam ki ‘Gangster’ heiwa da ong ki leh wa u Pynhunlang toh u PSO u Sanbor iwa man iwa bakla wei deiwa leh kamni da pynbood naam ki ya ka jait Kharbuli.