U Chief Executive Member (CEM) ka Jaiñtia Hills Autonomous District Council (JHADC), u Thombor Shiwat da beiñ joor u yei booh Check Gate ka Assam hapoh ka chnong Khaduli iwa da wanrah leh ya i chrai ha kani ka chnong ha ka tayaaw wa da dep.
Da ong u wa toh i hok yong kiwa chong chnong ka Khanduli wow chrai neibhah i booh Signboard ka Assam toh hapoh u pood u ang ka chnong Khanduli kawa hap hapoh ka jylla Meghalaya.
Da ong u wa waroh chi kattu ym jooh em kani ka Check Gate, wei neiliang kiwa chong chnong da tympra noh ki ya ka neibhah ymtoh wa phah da ka JHADC.
Hawa kylli, da ong u wa kiwa rep ymtoh u chah ktah ki neibhah kani ka Check Gate ymye wow ong neibynta iyi wei ki paidbah ha ka thaaiñ waroh chi kattu lai wan laitlooid ki ha kani ka thaaiñ.
U CEM da ong u wa neiliang ka Council da klam ko neipor cheipor ha u Montri Rangbah kamjooh wa u Symbood Montri Rangbah neibynta wow em i chngaaiñ ya ki paidbah ha khappood.
Da pyntip u leh wa mynstep daw em ka yalang yong ka Regional Committee yong ka Jaiñtia Hills hajrong i kaam pynbait pood.
Puræ leh: Tympra ki paidbah ya ka Signboard ka KAAC ha Khanduli
