U montri rangbah ka jylla, u Conrad K Sangma ynne da klam che u wa nawa sdang ki seiñ saiñ hima kiwa em ha ka synrop ka sorkar MDA u chim ki ya ka rai lada emkaam wow kylliang ya ki montri ka sorkar.
Da ong u wa da che bha hajrong ini wei kam u Chairman ka MDA, em bait ka bhah (Quota) heiyatoh wa ki chuki ya waroh ki Party ha ka dhab ki montri (Cabinet).
Da ong u leh wa toh i hok yong ki Party yeiyi kwah ki wow tyrwa kam u montri.
Heiyatoh wa ka National People’s Party wa lada ye ko wow wanrah da ki montri thymme, U Conrad da ong u leh wa ymye u ong iwon iwon neibhah wa man u kam u National President ka Party.
U Conrad da pynrap u leh wa u State President ka NPP daw ye u wow e rai hajrong ini lada kwah ki wow tyrwa montri (ka Party) da kiwi tawon.
