15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Toh i kaamram wa kyntang wow sumaar wow yada ya kiwa da heh rta: M. Venkaiah Naidu

Advertisement ad1

U Vice President ka India, u M. Venkaiah Naidu ynne da kyntu u ya waroh wow sumaar wei wow yada ya ki bru kiwa da heh rta khamtam heini i por wa em ka khlam u COVID-19 deiwa kyntu ya waroh wow chim ki ya ki laad yada ya ki kamjooh leh ya ki khynnah ha ka yung ka sem.

Heiyatoh wa i chem chitom ki paidbah wow phah sumaar ya kiwa da heh rta, da ban joor u yei emkaam wow em kam ki thaw sumaar wa kyrpang ya kiwa da heh rta kamjooh leh ka Insurance ya ki.

Hawa kdaw ya ki Scheme wa da mang kyrpang ya kiwa da heh rta, u Naidu da ong u wa hanlada ka sorkar booh ko ya ki rukom krehkaam namo ki Policy wa Program, hajrong itæ leh kiwa da heh rta dang chem chitom joor bha ki.

Da kdaw u leh yei hap kiwa da heh rta wow yieñ laiñ wow yang ya ka pali yong ki la ha ki Bank, ki yung krehkaam sorkar wa ki bus ki rel, da pynsñiaw u wa emkaam wow pynche ya kiwa kreh sorkar hajrong i emkaam ki bru wa da heh rta wei wow booh ya ki thaw ujor wa i bichaar lada chem chitom ki ha iwon iwon i liang.

“Toh i kaamram wa kyntang wow sumaar wow yada ya kiwa da heh rta”, da ong u Naidu.

Share this:
Previous

60 ngut kiwa dang yoh COVID-19 ha Meghalaya wa 14 ngut kiwa chait ynne ka 30 tarik

Next

Lada pyrkhat phi wow ri ksaw, ri da ki ksaw India: Modi