Uwa yahkhmat ka Liang Pyrchah ha Meghalaya uwa man leh u montri rangbah warim ka jylla, u Dr. Mukul Sangma da ong u wa toh i kaamram yong oo wow pynsñiaw yeiwa jia heiyatoh wa ki kaam khappood cha ka sorkar, wei ya kam kini ki mat ymye wow pynyakhlaad na ka saiñpyrthai næ ka Politics.
Da ong u, hawa em ha ka saiñpyrthai toh i kaamram wow pynemkaam ya ki rynsaan wow em i yada ya ki paidbah, neibhah toh i kaamram uwa mihkhmat saiñpyrthai wow yieñ neibynta ki paidbah, wei lada kiwa mihkhmat paidbah ymye ki wow yieñ wa ki paidbah toh u ieh noh ki ya ini i kaam.
Heiyatoh wa i pynbiang ya ki kot ki sla da ka sorkar ha u snem 2011, u Dr. Mukul da ong u wa ka sorkar ha kitu ki por hap pynlang ko chiboon ki yutip wow wanrah wei wow pynbiang ya ki kot ki sla yow pynyoo cha ka Assam wa kitæ ki thaw kiwa toh ki yong ka Meghalaya.
Da ong u wa na 36.79 Sq/km yong ki 6 tylli ki thaw wa kajia, u Conrad Sangma da toh u batai u ya kiwa kammon kitæ ki thaw wa ym em kynthup de cha Meghalaya, deiwa pynrap weileh kitæ ki thaw ym em ki chapoh Meghalaya kiwa da mantre da ki Hima wa kiwa chong chnong ka Meghalaya.
