Ka Voice of the People Party (VPP), da e yumut ko cha ka Expert Committee kawa da thung yow pait deiwi ya ka Reservation Policy deiwa ong wa toh u mang bait katkam i boon paaid wei ymtoh u chim yeiwa em kiwa sahdien.
Hawa klam cha kiwa thoh khubor hadien wa da wan yachem wa ki dkhot ka Expert Committee, uwa e ktien ka VPP, u Dr. Batskhem Myrboh da ong wa ym em yurim wow ong wa kiwa rap sahdien daw yoh ki rap boon ka bhah, deiwa ong wa ym pu em iwon iwon i puræ bniah wei pynyaphær hajrong i sahdien ki jaitbru wa em hapoh ka jylla.
Da ong u wa lada chim katkam i long i man ki thaaiñ, ka Jaintia Hills toh kawa sahdien dooh napyrdi ki District ka jylla, wei u e bhah ha kawon ka rukom lada chim yukheiñ.
U Dr. Batskhem da ong u wa lada sahdien katwon katwon leh, ym ye wow yoh ya ka bhah namo ka Reservation kawa rap tam bar ya kiwa boon paaid, wei ym jooh chem kam katæ ka bhah hapoh ka ri India.
Discussion about this post