Toh u kem ya waroh iwa em kiwa dai drugs wei wow kyntait chnong ki: Amit Shah

U Home Minister ka ri, u Amit Shah da tyrwa u wow pynjoor yei pynchitom ya kitu kiwa emkti wow khayi drugs deiwa kem lut ya waroh iwa em ki, u dai sarom ki hakhmat ki paidbah iwa daw pynpyrkhat ya ki chwa wow leh ki ya kini ki kaam.

U Shah da ong u yeini ha ka yalang wa da pynman hajrong ka phang “Drugs Smuggling and National Security” heiwa da pait u leh lyngba ka Video Conferencing yei thang palat 1.40 lakh kg i drugs wa chongdor T. 12,000 klur ha kylleiñ ki bynta ka ri.

Da ong u wa i thong ka sorkar u Modi toh yow pynman ya ka ri India ka wym em tang uwi leh u khynroo wa chah kdoh chah khoom hei drugs wei yow ye u leh yeini emkaam u ya krehlang ki sorkar jylla waka sorkar pyrdi.

Chooh chooh da ong u wa lada i pynchitom toh deiwa khor daw pyntieñ i wow leh ya ini i kaam wei toh leh u kem yeiwa em kini ki bru wa emkti ha ini i kaam.

Related posts

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Pdiang ka sorkar yei pynche u Sniawbhalang, ki wym hun ye ki wow lai tih chooh: Prestone

May 21, 2025

Da ong u leh wa lada dai sarom wei kyntait chnong ya kiwa emkti wow dai drugs daw pynpyrkhat ko deiwi ya kiwa thmu wow leh ya ini i kaam wei da baan joor u leh yei emkaam wow lai chakhmat deiwa kem ya waroh iwa em ki.

U Shah da ong u wa ki jylla toh u ya krehkaam ki waka Enforcement Directorate (ED) heiyatoh wa i takit ya ki kaam poisa wa suba wa kamai drugs wei wow phah ya ini cha ka ED.

Heiyatoh won ya kitu kiwa dih drugs, da ong u wa toh u yaleh katwa ye u yarap ya ki yow jop ya ini i.

Da ong u leh wa kani ka thma pyrchah yei drugs toh yow pyntikna wym em ki khynroo wa chah kdoh chah khoom hei drugs deiwa khana leh wa ha u snem wa dep da yoh wow kem 10 lak kilo i drugs wa chongdor T. 12,000 klur kiwa da thang ha kani ka sngi.

Ini i thang yei drugs iwa boon dooh toh ha Madhya Pradesh wei i drugs wa da thang kynthup i leh ya 6,590 kg wa yoh kem da ka Narcotics Control Bureau (NCB) Hyderabad unit, 822 Kg wa kem da ka Indore Unit wa 356 kg da ka Jammu Unit.

Kiwi de ki thaw wa da thang drugs toh 1,03,884 kg ha Madhya Pradesh, 1,486 kg ha Assam, 229 kg ha Chandigarh, 25 kg ha Goa, 4,277 kg ha Gujarat, 2,458 kg ha Haryana, 4,069 kg ha Jammu and Kashmir, 159 kg ha Maharashtra, 1,803 kg ha Tripura wa 4,049 kg ha Uttar Pradesh.

U Shah da khana u wa da em 1,250 tylli ki Case kiwa da dep Register nadooh u 2006 wa 2013, wei da em 3,700 tylli ki Case kiwa da Register ha ki 9 snem nadooh u 2014 hadooh u 2023, iwa pynyoo wa da ku da 200%.

Nachwa da kem waroh 1,360 ngut tangwa katni da kem 5,650 ngut iwa da ku da 300 chah.

I kem drugs nachwa toh 1.52 lak kg, tangwa katni da u da 160 chah iwa 3.94 lakh kg.