15 49.0138 8.38624 1 0 4000 1 https://wyrta.com 300 0
Advertisement ad1

Toh u kynthup ya ki Khynriam, Pnar, Bhoi, War ha ka Bill chongkurim ka KHADC: MB Rymbai

3 Comments

Shillong: Hadien wa ka Khasi Hills Autonomous District Council (KHADC) da mynjur ko ya ka Khasi Hill Autonomous District (Khasi Social Custom of Lineage) (Second Amendment), Bill 2018, ha ka 25 tarik uni u bnai wa dadep, heiyatoh wa ini neiliang u Chief Executive Member ka Jaiñtia Hills Autonomous District Council (JHADC) u Madonbai Rymbai da ong u wa kani ka Bill ympu man ko kawa da biang deiwa kylli wa lada kamni ileh ymhoi de mo ya ki Pnar u chongkurim ki wa ki Khasi.

Da ong u wa ki bru wa em ha ka bri u Ynñiawtrep kynthup ki ya ki Khyrriam, ki Pnar, ki Bhoi, ki War ki Maram wa ki Lyngam wei man ki ki jooh hi wei ka Bill ym em kdaw ko wa kiwi won ki jaitbru (Scheduled Tribe) ki Pnar da thoh da ka kyntien ‘Pnar’ wa kiwa na War leh da thoh “War”.

Chooh chooh da ong u wa kani ka Bill ympu biang ko hanlada neiliang ka Jaiñtia Hills Autonomous District Council em ko i thmu wow pynkrehkaam ya kam kani ka aiñ wow yada nei chongkha wa kiwa ymtoh na ki jaitbru u Ynñiqwtrep..

“Lada ka Khasi kawa chong kurim wa u wymtoh uwa na ri-loom dooh ko yei hok wow man Khasi tæ lada u chynrang Khasi won chong kurim u wa ka wym toh na ri-loom, u leh kammon?,” da kylli u Rymbai.

U CEM da ong u wa da toh i por wow leh bniah yeini khnang wa ym em iwon uwon i leh chiliang deiwa pynrap wa kani ka bill man ko kawa bakla wei kawa da jhan u pdiang.

“Nga kwah O wa ka Bill u man aiñ ko tangwa em ko i duna wei neiliang ka Executive Committee ka JHADC em ko i thmu wow chna ya kam kani ka Bill,” da ong u CEM deiwa pynksan wa emkaam leh wow pyrkhat yei chong chngaaiñ ka mynried wei emkaam wa kani ka Bill u klam che ko ya ki jaitbru khian paaid.

Advertisement ad1

3 Comments

  • August 6, 2018 at 5:36 am
    L Dkhar

    Ka ktien KHASI mut ko ia “u Khynriem, u Pnar, u Bhoi wa u War”, tae man iwa sarom lada uma MB Rymbai kat u CEM ka JHADC wym tip u yei tae hawa ioo wa klam pyrshah u halor ka Bill wa pass ka KHADC.

    Reply
  • August 7, 2018 at 3:09 pm
    P.Tang

    Ka kyntien khasi toh ka kyntien da kynthup lang ko ia u khynriam u pnar u bhoi u war.

    Reply
  • August 9, 2018 at 3:13 am
    kcent

    Pyn chynna sang u ki i biej u … tang ki jait bru khasi leh um tip…..khasi(khynriem u pnar u bhoi u war u maram u langam u dei u paid khasi baiar)

    Reply

Leave a Reply