Ka Joint Action Committee Nartiang Khanduli (JACNK) kawa yahkhmat da ki waheh chnong yong ki thaaiñ ynne ka sngi ki 6 ngut ki waheh chnong hei yakhmat u Chairman ka Committee u waheh chnong yong ka chnong Modop Nartiang u ma Damonmi Dkhar da hiar ki wow lai pait cha Khanduli hei yatoh wei mih i awri awra haka kani ka chnong heiwa ka Karbi Anglong Autonomous Council (KAAC) da booh ko ya ka Entry Gate wow khrong dan ha ini i thaw.
Neiliang ka JACNK da dawa ko wow pyndam noh ya kani ka Check Gate wa da chna hapoh u pood u ang yong ka Khanduli wa hap hapoh Meghalaya.
Ka Committee da ong ko leh wa kani ka Check Gate da kthah ko ya i wa lai i wan wa kiwa khih wa kreh ha kani ka thaw seiwi leh kani ka Gate da khrong ko wot ya ki kari Tourists kiwa lai wa wan na itai i thaw ymtoh du kat ki kari kit mar.
Kamtæ ka Committee dawa ko wow pyndam chisien don ya ka Check Gate khnang wa kiwa lai wa wan kiwa khih wa kreh yow man biang kam i por nachwa wei wow man ka thaw kawa chongsuk chongsaiñ ha ki kaam waroh khamtam hei khayi pateiñ.
Chooh chooh da beiñ joor ko yeiwa kam ka DC yong ka West Karbi Anglong wa ka Khanduli dang hap ko haka Karbi Anglong kani toh i kam khlem yurim ya ka chnong waro chi kattynde dang hap ko hapoh u pood u ang ka Meghalaya
