Toh u lai thooh Admission u Sniawbhalang na KNGC yow sñiawthooh u yei jinjar: KNGCSU

Hadien i klam u Symbood Myntri Rangbah ka sorkar jylla, u Sñiawbhalang Dhar ini wa dep ha Ummulong iwa ong u wa ka Kiang Nangbah Government College man kawa khynnia wei kiwa lai pure haka leh yoo la kam kiwa lai yaaw neidaw wa duna ki kamra e sikai, deiwa yooluti u leh wa kiyi kiyi wa duna daw ye u pynbiang hadien habood, ynne ka sngi won neiliang kiwa yahkhmat kiwa lai puræ kani ka College wa tip kam ka Kiang Nangbah Govt. College Students’ Union (KNGCSU) da beiñ ki yei klam u Sniawbhalang heiyatoh i eh i khoo wa maad kani ka College, neibhah kam ka Students’ Union da boon sien jooh li ood lai e dorkhat ko cha ka sorkar tangwa ym em man kaam iyi iyi.

Ong u kani ka College man ko du ka donhi ka College sorkar hapoh Ri-loom Jaiñtia tangwa la pait won ya ki kaam pynroi, i eh wa maad daman pathan iwa dang chah yoobeiñ. Wei i klam u Symbood Montri Rangbah leh man i i wym yahaap wei kaam.

“Najrong wa duna ha ki liang waroh, iwa pynkjut khlieh khamtam ya i kiwa yahkhmat ka Students’ Union ka College toh heipor thooh thaw lai puræ ki khynroo khyllood wa boon kiwa ood wa jinjar yei dooh thaw,” ong u President ka KNGCSU, u Preciousstar Sten.

Wei kamwa ini jia i man-u-snem ha uni u snem leh ong u wym hun ki wow dooh thaw lai puræ ki para wa lai puræ neibhah tip che ki kiwa yaleh wow lai puræ ha Kiang Nangbah toh kiwa chkeh du na kani hi ka College.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Da pynrap haroh u wa ka Union hi yieñ ko haka yurim u yakhun pynyoh thaw hanla hap u ap yei sikai na lait ki kamra leh pdiang bait ki neibhah ini pteiñ i wow jia toh wym chimkhia ka sorkar wot hawa man-i-por jooh pynsñiaw ki yei eh i khoo.

Heijooh i por kat wym sñiaw yahaap ki yei klam u Symbood Montri Rangbah ong ki, jan bha hi ya oo u yaleh Admission u hapoh ka Kiang Nangbah College yong i yow sñiawthooh u da oo pyn ya oo hi wa hadooh katwon ki khynroo khyllood wa lai puræ ha Kiang Nangbah chem chitom ki ha kiwa boon ki liang khamtam kiwa emkaam nadooh ki kamra, ki Lab namo ka Infrastructure.

Da kyntu ki leh ya oo wym toh u pynheh nia donhi u ha kiwon kiwon ki rynsan wa em u yei sñiaw yaka Kiang Nangbah College tangwa toh u pynyoo u ki kaam deiwa kyndaar yaki dorkhat, ki chithi wa da jooh phah ka Union neipor cheipor kamjooh ki bor wa pynlai yong ka College leh kiwa da jooh pynap pynsñiaw.

Puræ leh: Pynkut ka Ummulong Presbyterian College yei lehkmen Foundation Day wa 10