Toh u pynkrehkaam chwa da ka NPR wow lait nei chah ktah ki tre ri ha ka NRC: Dr. Mukul

Shillong: Uwa yahkhmat ka Congress ha Meghalaya, u Dr. Mukul Sangma da beiñ joor u hajrong i pynkrehkaam ya ka National Register of Citizen (NRC) da ka jylla Assam deiwa ong wa kani ka NRC ym mih soh ko neibhah ki bru kiwa man tre chnong leh da chah kyntait ki hadien wa da pynbna ya ka thup wa khaddooh ha ka 31 Naisaphra.

Hawa yaklam wa kiwa pathai khubor, u Dr. Mukul Sangma da ong u wa ka NRC man ko kawa emkaam neibynta ki tre chnong ha kani ka ri, ym wow ktah ya kiwa em hok kiwa chong chnong, lada kiwa chong chnong wa pura ka India ym chah kynthup ki ha ka NRC da sñiawthooh hadooh katwon u ktah ko ya ki.

Kam wow pynkynmoo heini em palat 19 lak ki bru kiwa da chah kyntait ha ka thup NRC ha Assam heiwa da kheiñ noh ya ki kam ki baar ri heiwa da mih i pynbaad wa em kiwa chnong chnong kiwa man kiwa sakhiat.

U Dr. Mukul da ong u wa hei sakhiat ka sorkar Assam toh u sdang chwa ko ya ka National Population Register (NPR) chwa wow pynkrehkaam ya ka NRC.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

“Lada da pynkrehkaam chwa da ka NPR daw pynsuk ko wow tip ya kiwa chong chnong wa sakhiat wei hadien itæ won ya ka NRC wow chem ya kitu ki wym man sakhiat ki tre ri,” da ong u Dr. Mukul.

U heh ka Congress da ong chooh chooh u wa ka NPR man ko kawa emkaam bha ha ka ri India neidaw wa man ko du ka ri India ka wympu leh ya ka NPR ha kani ka juk wa katni.