Toh u pynkrehkaam lang ya ka ILP wa ka MRSSA wei wow ieh kaam noh ki MLA yow pynman Election thymme: Congress

Shillong: Ka Congress Legislature Party (CLP) da pynsñiaw ko wa i por toh wa emkaam jhan u pynkrehkaam ya ka Inner Line Permit (ILP) deilang waka Meghalaya Residents’ Safety and Security Act (MRSSA) wa kiwi kiwi ki aiñ wow yada ya ki paidbah ri-loom ka Meghalaya.

Hawa yaklam wa ki laad pathai khubor uwa yahkhmat ka CLP, u Dr. Mukul Sangma da ong u wa ka dawa pynkrehkaam ya waroh ar tylli ki aiñ ha i jooh i por man ko wow yada da kawi won ki luti ya i krehkaam ka Citizenship Amendment Act (CAA), 2019, kawa man pyrchah yei sñiaw yong ki paidbah.

Da ong u wa katni ym em laad da kamwi won wei wow yakhun pyrchah ya ka CAA wei hap pyrkhat wow chim bait da ka ILP kam ka laad wow yada ya ki jaitbru ri-loom ka jylla.

Ha i jooh i por, u Dr. Mukul da ong u leh wa ka Sixth Schedule toh wow kynthup lang ya waroh ki thaw ha ka jylla.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Ha iwi won i liang da beiñ joor u yaka sorkar MDA wa da toh por wa u Conrad K Sangma wa ki MLA toh u iehnoh kaam wow pynkhreh yaka Election wa thymme neibhah da chukor ki ya u paidbah hajrong ka Citizenship Amendment Act (CAA), 2019. Deiwa pynrap wa ka seiñ Congress ka pyrchah ko ya ka CAA neibhah wa man ko pyrchah yaka jaitbru khian paaid ka jylla, tangwa ka sorkar MDA hapoh i yahkhmat u Conrad K Sangma da yahbakla deiwa pynsñiawthooh cha lait da iwi i rukom wa ki paidbah kani ka jylla pdiang ki yaka CAA.

Uwa yahkhmat ka liang pyrchah da ong u leh wa kani ka sorkar MDA da chet kylla ko ya ki paidbah hapoh Meghalaya hawa lyngba ka MP yong ki ha Lok Sabha, ka Agatha Sangma, da pynsñiaw che ko wa kyrchaan ya ka CAA, tangwa ka ha jylla won ki leh ki kamwa pyrchah ya ka CAA.