Toh u pynkylla noh yei rukom pyrkhat wow yooluti wa daw em bait i booh bhah kyrpang: Conrad

U Montri Rangbah ka jylla, u Conrad Sangma ynne da wan u wow embynta lang ha ka lehkmen ya ka sngi ki bru wa man kam kiwa chong chnong tynre wa tip kam ka International Day of the World’s Indigenous People wa pynman da ka North East Indigenous People’s Forum (NEIPF), Meghalaya Chapter ha Multi Conventional Hall ka NEHU, Shillong.

Hawa e yei klam, u Conrad da ong u wa em boon ki kaam wa ktah ya ki jaitbru tynre ka North East wa sñiawkhia u deiwa ong wa ki waphær waphær ki seiñ saiñpyrthai nbamo ki Political Party næ ki seiñ wa boon jait em ki ka jooh ka thong wow yada wei pynneh ya ka rukom im, ka dustur riti wa i thied i tre yong kiwa boon ki jaitbru wa da mantre ya ki thaw ki bhaw nadooh ki por warim iwa heijooh i por wa pynman ya i wow phær i na kiwi wei emkaam wow man kiwa sarong yeini. 

Heijooh i por da ong u wa da toh i por wow pynkylla noh yei rukom pyrkhat khamtam i ki jaitbru tynre deiwa yooluti bait wa daw em i booh kyrpang neibynta yong i ha waroh ki liang hawa im i.

“Hap i wow pait cha lait ka Reservation wei i rukom pyrkhat ki khynroo ka North East toh u man heitæ i rukom wow ye ki wow man kiwa ya ryngkat wa kiwon kiwon hapoh pyrthai,” da ong u Conrad.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong u wa hawa sarong i yei yong i tangwa ymtoh wow mylliñ u kheiñkor, kamtæ da kyntu u ya ka NEIPF wow yaleh ko yow booh dei thoh i taar chaphang ki jaitbru ka North East deiwa khana wa ka sorkar Meghalaya da krehlang ko wa ki le tylli ki Autonomous Council yow booh dei thoh ya kiwa boon ki kaam wa yatoh waka dustur riti ki jaitbru tynre ka jylla.

Heiyatoh won wa kiwi ki jylla ka North East da ong u wa neidaw wa boon ki, em ki leh jar jiar i eh i khoo wei deiwa yoh kam kani ka rynsan daw ye wow yieñ yaleh yow jop ya iwon iwon i eh deiwa yatylli yow khlan.

Da pynsñiaw u leh yei sñiawkhia wow yoo yeiwa jia ha Manipur wei da yooluti u wa ki seiñ kam ka NEIPF daw yaleh ki wow wanrah yei suk i saaiñ ha Manipur yow ye u lai chakhmat wow yaklam wa ki jaitbru waphær.

Da e buit u leh ya ka NEIPF wow pynchlur ko ya ki kaam thooh bniah yei stat yong u warim kiwa em chiboon wow e cha ka pyrthai wei yeini i stat toh u e hei kti ka juk wa katni yow lai rah ki ki cha kylleiñ.

Hachwa ini, u Conrad da pynlait u leh ya ka kot “Indigenous 2023” deiwa emlang kiwa boon na kylleiñ ki jylla ka North East.