Ka JSU da ong ko wa ki khynnah wa lai puræ Class XI na ri-loom Jaiñtia kiwa yaleh wow lai puræ ha ki skur sorkar hapoh Jowai ym toh u dooh thaw ki ha uni u snem neibhah ka seiñ hi ha ki snem wa da dep da dawa ko naka sorkar wow wai noh da ki skur step neibynta ki khynnah kiwa dooh thaw neidaw wa da dap ki thaw puræ kiwa dei sngi hapoh ki skur sorkar kam ka Kiang Nangbah HS School, Government Boys wa Government Girls Higher Secondary School ha Jowai.
Ka seiñ JSU sñiawngooh ko hadooh kattæ kattæ ya ka chnat puræ puthi yong ka sorkar jylla wa ya u DC ka West Jaiñtia Hills deilang wa ka DSEO wa da ap ki yei dawa wow wai noh da ki skur step ha uni u snem 2022 neidaw wa dooh thaw puræ kiwa booh ki khynnah ha ka Class XI ha ri-loom Jaiñtia.
Ka seiñ da kyntu ko leh ya ki khynnah wa toh u chim Admission ki ha ki skur step khnang wym dooh thaw puræ ki wei da phah leh ya ki khubor cha kiwa pynlai skur wa College sorkar kiwa em ha Jowai wow pynpsiah ya ki khynnah wa puræ Class XI ha ki skur yong ki wot la toh ha ka skur step leh ym phær tang wow yoh ki khynnah wow pteiñ yei puræ yow lait nei pep skur chiteiñ por wei wa boon na kini ki khynnah toh kiwa na ki chnong palatsor wa na ki yung wa dooh wa duk wei daw chem chitom ki wow lai puræ cha ki skur ki bru samen lane cha Shillong.
