theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Yoh kem ki pulit yei drug wa chongdor T. 3 klur na Shillong

Ki pulit ka ANTF, East Khasi Hills ynnin i miet da yoh ki wow ksoh ya kawi ka kari Ford Eco Sport wa em ya u Number ML-05U-1782 ha Jingkieng Demthring, Shillong heipor kamwa 6:15 wei da yoh wow kem 40 tylli ki tadong sabon wa em 559 gram i Heroin iwa chongdor T. 3 klur na kani ka kari wa yah da u Shaniah Kharmawphlang (19 snem).

Da kem leh wa uwa krehlang wa oo uwa tip kam u Daniel Nongrum (20 snem) uwa na Nongrah Nongpdeng uwa da yah da ka thuk-thuk Pulsar wa em ya u Number ML-05S-9546.

Advertisement ad1

Hadien wa takit ya kini da chem wa kawa pynpoi yei drug toh ka Esther Ramhmangaih (37 snem) kawa da kem noh na yung ko ha Madanriting Thembasuk Block F deilang waka poisa wa T. 4,42,00.

Na yung ko da kem leh ya arngut kiwa kit drug ya ka uwa tip kam u Robinson Hmar (19 snem) uwa na Bawngkawn Aizawl wa u Letminlen Doungel (30 snem) uwa na Tuibong, Churachandpur Manipur heiwa da kem leh ya kawi ka kari Mahindra Bolero wa em ya u Number AS-03M-9080 wa kawi ka Suzuki Burgman Scooty kawa em yow Number ML-05W-9432 wei da chem leh ya ka poisa wa T. 2,19,510 napoh kani ka Bolero.

Da kem leh ya 6 tylli ki Mobile Phone na kini ki 5 ngut wei da pynngat ya ki hapoh ka aiñ NDPS Act wei ya ka takit da leh da ka Rynjah Police Station.

Advertisement ad1
Share this:
Previous

Toh u pynpsiah bait ya waroh kiwa lai Class XI ha ki skur sorkar: JSU

Next

Da sdang yei pynyabi ya u Aadhaar wa ka EPIC