Toh u takit ya u lat warim ka jylla, ymtoh u ieh heh oo neidaw wa resign u : JNC

Khliehriat: Ka seiñ Jaiñtia National Council (JNC) da ong ko wa i ieh kaam u Lat ka jylla pynyoo wa emkti u hei chah kynnoh u wa leh khlem akor u ya ki kynthai kiwa wan thooh kaam hapoh ka Raj Bhavan wei da pynksan yeini da ka chithi wa thoh kiwa kreh ka Raj Bhavan wa phah cha u Prime Minister ka ri u Narendra Modi.

Ka seiñ JNV leh da kyrchaan ko yei dawa ka CSWO wa ka TUR yow pynman da ka takit hei yatoh wa ini waroh wei wow pynchitom ya oo katkam ka aiñ lada chem wa leh bakla u.

Da ong leh wa toh u pynman da ka Independent Inquiry yow yoh ki paidbah u tip yeiwa jia sakhait ha Raj Bhavan heipor wa man u V. Shanmuganathan kam u Lat ka jylla.

Da pteiñ deiwa ong wa ye u man wa dang boon ki kynthai wa kiwa kreh wa chah leh beiñ ha u lat warim kamtæ da kyntu ya ki bor sorkar yow leh khooid ki ya ka takit boi daw mih chooh chiboon ki bru kiwa chah leh beiñ ha ki MLA, MDC kamjooh leh kiwi ki heh sorkar.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Da pynkut wa i ieh kaam ym toh i pynchitom ya oo neibhah ka aiñ haap ko u pynchitom ya oo wei kamjooh yow pynche u ya ki daw wa ieh kaam u.

Kani toh katkam ka khubor na u Chairman ka JNC u Sambormi Lyngdoh.