Jowai: U kyrtong ka UDP Raliang u Konstan Sungoh da pynman u ya ka yalang paidbah ha Raliang ynnin ka sngi heiwa da wan tooid da ki paaid kiwa kyrchaan kylleiñ ka Constituency.
Ha ka yaalang da emlang u Michael Sayoo uwa ebuit ya ka Party, u Shemhok Garod, u Bison Roy Iano kiwa man kam ki MDC ka JHADC wa kiwi kiwi.
Ya kani ka yalang da mih ka sur wow elaad ya ki party ri-loom na ka jylla.
U Konstan hawa klam da ong u wa lada jop u da booh thong u wow chna ya ka Wah Myntang Hydel Project, kawa em ha ka chnong Mynso wow pynmih bordiñ. Da ong u leh wa daw yakhun u wow pyndooh pyndam ya i dooh i duk wei wow kyntu ya i puræ puthi, i chait i khiah wa kiwi kiwi ki kaam pynroi.
Da beiñ u ya u MLA ka Congress uwa da yut cha ka NPP, u Comingone Ymbon uwa da ieh khonswet ya ka Raliang Constituency heiwa oo kam u MLA hapoh ka Congress la 10 snem ymye u wow pyndep pynbiang ya ka umbaam umdih ha ka thaiñ.
Da pynbaad u leh wa u Ymbon da leh chilliang ya ki kaam pynroi ha katai ka thaiñ wei ki kaam pynroi kut ki du ha Shangpung donhi.
Kiwi kiwi kiwa da klam kynthup ki ya u Michael Sayoo, u Shemhok Garod wa u Bison Roy Iano.
Discussion about this post