15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ka Congress wa wanrah ya ka aiñ wow khang u pynkylla niam: Alphonse

0 Comments
Advertisement ad1
Advertisement ad1
Advertisement ad1

Shillong: U heh ka BJP uwa man leh u montri sorkar pyrdi wa pait ya ka tnat Tourism u KJ Alphonse da beiñ kylla u ya ka Congress kawa da pynbaad chitniam pyrchah ya ki Khristan ya ka BJP.

Hawa klam wa ki laad pathai khubor, u Alphonse da pynbaad u wa ka Congress wa wanrah ya ka aiñ wow khang pynkylla niam ha ki snem wa da dep tangwa ynne da pynbaad kylla ya ka BJP.

Advertisement ad1

Hawa kyntait wa ka BJP ym em bynta ko ya ka RSS, u Alphonse da ong u wa ka Congress da chna wei da mynjur ko ya ka aiñ pynkylla niam ha u snem 1968 wa ha u snem 1988.

Hajrong ini da ong u wa ym kwah u wow klam boonktien neibhah ka Congress hi wow jubab cha ki paidbah.

Heiyatoh wa i khang baam doh masi, u Alphonse da ong u wa ka BJP ngait ko ha i mon samen ki bru.

Da ong u leh wa da em kiwa chim kabu ha ka Christmas ha un i u snem wa da dep ha Madhya Pradesh kiwa pynthut tangwa waroh kini da em ki ha patok katni.

Da pynrap u deiwa ong wa u Modi ngait u wa i ngait niam to hi bor samen wei ymye u pynbor ne khang yei ngait.

Heijooh i por da ong u wa ka Congress duna bha ko ha ki laad sumaar hapoh jylla hawa wyrchaw wa ka Kerala heiwa da khlaad hadooh 30 ngut ki khonboo na ki chihajar ha Meghalaya katwa 12 ngut donhi heipor wa kha ha Kerala na ki chihajar, wei i yap ki  manbei hawa kha khon toh 238 ngut ha Meghalaya katwa 40 ngut ha Kerela na man ki chi lak ngut.

Share this:
Previous

Tooid ki paidbah kiwa kyrchaan ka UDP cha ka yalang ha Raliang

Next

Ka sorkar Congress ym em ye ko wow wanrah ya i roi i paar iwa man solansar: Conrad Sangma