U slap wa joor uwa neiliang ka India Meteorological Department da pyntip ko wa hapoh ka jylla Meghalaya kam ha jylla East Garoh Hills wa East Khasi Hills daw pteiñ u hadooh ka 29 tarik katwa ha East wa West Jaiñtia daw kut noh u slap wa joor haka 27 tarik, da pynchlai um u khamtam cha West Garo Hills heiwa da chah rah ki yingkieñ waki sarok.
Ha chnong Jowai won ynne i step da khai thiah kiwa chong chnong yow sakhi yei chlai ka wah myntdu kawa da tymmoh lut yaki pynthor ka chnong Jowai kitæ ka pynthor neiñ waka pynthor wah.
Cha ki bynta wa tip kiwa boon kam i Syntu Ksiar, ka um da poi ko chadooh u sarok kamjooh hadooh ka yingkieñ lai kjat kawa tip kam ka yingkieñ doi doi kamjooh leh ka um da poi ko hadooh ka yingkieñ lai kari.
Waroh ki lyngkha wa em waroh arliang da chah tymmoh lut ki wei da man ka um kam kawi donhi ka wah kawa heh.
Ka luti wow lai cha Syntu Ksiar leh man ko kawa da haap khyndaw wei em leh ki dieñ kiwa oor.
I lutsan i chah ktah ki mar rep ym pu em yoh yukheiñ hadooh wa pynmih ya kani ka khubor.
Discussion about this post