I kyntoor pood ka Assam chapoh Meghalaya jia i dei langær heiwa ha kani ka kynti ka Karbi Anglong Autonomous Council (KAAC) da booh ko ya ka Signboard yong ka chnat Forest yong ka ka wow khrong dan ha ka chnong Khanduli.
Ya kani ka Signboard da suba wa da booh ha i miet ka 15 tarik uni u bnai wei ini da wanrah i ya i chrai hapyrdi kiwa chong chnong ka Khanduli.
ADVERTISEMENT
Ynne ka sngi neiliang ki sahep wa ki pulit ka West Jaiñtia Hills da hiar ki cha Khanduli wow thooh ki laad wow pynjaijai ya ki paidbah wei wow khut ya ki bor na Karbi wow booh sngi wow pynbait ya ini i kaam.
Ki paidbah won dei chrai ym ngait de ki yeiwa pynlai ki bor District, da tympra noh ki phrai ya kani ka Signboard.
