Tyngkheiñ ka JHADC pyn ya ka aiñ wa chna ko

Jowai : Ka Elaka Jowai nadooh u Khonchonglad (November) 2014 hadien wa khlaad syndet u Dolloi wa pura yong ka u (T) K. Comet Rymbai iwa da jan dap ar-snem, ym pu em u pynman ya ka Election yow jied ya u Dolloi wa pura.

Ini da man i jooh heiwa ka Elaka Shangpung leh da dooh ko ya u Dolloi yong ka ka 11 January 2014 wei da thung du ya u Dolloi wa chipor (Acting) Donhi.

Ki Dolloi wa chipor ha kini ki ar tylli ki Elaka Jowai da ksoh bor ki katkam ki “Acting Dolloi,” heiwa ha ka aiñ yong ka JHADC kawa da yoh ya ka muhor yong u lat kawa tip kam ka “The Jaintia Hills Autonomous District Council (Establishment of Elaka and Village and Election, Appointment, Powers, Function and Jurisdiction of Dolloi/Sirdar and Waheh Shnong) Act, 2015” ha kiwa ki boon Kyndon (section) kam ka Section 3(2)(e) da ong ko wa ya ki Elaka wa thymme ya ki Acting Dolloi toh u thung thymme hapoh 6 Bnai.

Ha ka Section 13 won da ong wa lada nei yi nei yi i daw ka chuki u Dolloi man ko kawa thylli wei da haap chimkti da ka Council, uwa da e bor ka council ym ye u wow ksoh yeini i kaam palat  ar bnai.

Related posts

Khut ka UDP-West Jaiñtia Hills ya kiwa kwah u yaleh MDC cha ka JHADC

November 25, 2024

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Ha ka Section 14 (1) wa ka (2) da ong wa lada thung ya u Acting Dolloi emkaam u pyman election hapoh 6 bnai wei ym hoi u palat ya ka 9 bnai.

Ini pynyoo wa ka JHADC da tynkgkheiñ ko pyn ya ka aiñ wa da dohyaap ko u pynman aiñ yow lai bait ki synchaar chnong synchaar elaka katwa u yoo ym em bood ki ya ka aiñ yong ka dahi.