Tynyap uwi pyn ya ka bei dep te phla u ha Instagram

Uwi u khynroo wa 21 snem i rta da chah kem u ha Rajkot, Gujarat hadien wa tynyap u ya ka bei u dep te booh dur u ha Instagram deiwa phla wei paan maap yeini wa leh u hei step ka 29 tarik uni u bnai.

Ki bru hadien wa yoo ki yeini i dur da lai pyntip ki cha ki pulit yeiwa jia heiwa da lai ki pulit cha i yung wa sah u heiwa da chem ki ya u Nilesh Gosai wa chong u ha rood i metyap ka bei u.

Kani ka bei u toh kawa tip kam ka Jyotiben Gosai kawa em 48 snem i rta.

U Nilesh da phla u ha ki pulit wa nyngkong mut u wow dung ka ka bei u da ka tari tangwa da yakhun pyrchah ko wei da ye ko wow knieh ya ka tari na kti u wei hadien ini da pynemkaam u da ka kymmor yow ksih pyndooh sang’et ka hadooh wa khlaad ko.

Related posts

Chah kem uwa kylliang ya u QR Code ka Petrol Pump yow lai ka poisa cha oo

November 11, 2024

Chah slaitbor ka khynnah wa dang 10 snem ha West Jaiñtia Hills, chah kem uwa emkti

November 10, 2024

Hadien wa leh u yeini da booh u yei dur u waka bei u ha Instagram deiwa thoh ya ki kyntien paan maap na ka bei u yeiwa leh u.

Hei takit ki pulit, da chem ki wa kani ka manbei toh kawa chitom i bor pyrkhat da boon snem wei man-i-por da mih i ya awri ya kajia hadooh wa yachoh hapyrdi ko wa u khon ko.

Ha kani ka sngi wa jia ini leh da em biang i ya awri awra hapyrdi kini ki arngut iwa da yah cha ini wa jia.

Kani ka manbei hadien wa yalait noh ko wa u kurim ko kamwa 20 snem nachwa, da ri da psa ko ya u Nilesh nadooh i por wa em u dang 18 bnai katwa kiwi ki khon ko da im ki wa u pa ki.

Yei kjut chitom ko da dih dawai ko tangwa kamwa chi bnai haroh da dam ko iwa da pynman yei rukom man ko iwa yoo kulmar.

Neiliang u kurim warim ko kamjooh kiwi ki khon ko ym bien ki wow wan kam yei metyap ko wei yow pyndep ya ka niam ka rukom, hadooh wa hap ki pulit wow booh ujor pyrchah ya ki yow leh ki yeini.

U Nilesh uwa da em hei kti ki pulit kattæ toh uwa kreh ha kawi ka karkhana wei da ong u wa da sdang eh bha wow im waka bei u neidaw wa da yoo kulmar i rukom man ko neibhah wa jooh dat ka oo waroh chi miet chi sngi hadooh wym yoh de u tang u chong ngiah wei wow thiah deiwa toh rukom.

Chooh chooh da ong u wa em ki por pynjæd ko wot ya ki sula wa sap ko wei ha i step ka 29 tarik da ku syndet i chrai hadooh wa pynkut syndon u yei mynsien ko.