Tyrwa ka HSPDP ha u Conrad wow pyllait ya ka jylla na ka CAB

Shillong: Ka Hills State Peoples’ Democratic Party (HSPDP) da pynsñiaw ko yei pyrchah joor ya i thmu ka sorkar India wow pynman aiñ ya ka Citizenship Amendment Bill ha kani ka jylla.

Wow pynsñiaw yei pyrchah, ynne ka sngi ki heh ka HSPDP wa kynthup ya u President ka Party, u KP Pangniang wa u General Secretary, u Renikton L Tongkhar wa kiwi kiwi da lai e dorkhat ki ha u Montri Rangbah ka jylla, u Conrad K Sangma.

Hawa yaklam wa kiwa pathai khubor, u Pangniang da ong u wa ka HSPDP ym pdiang ko ya kani ka aiñ wei ha i yachem wa u Conrad, ka Party da e yumut ko wa la man katwa man ya ka jylla Meghalaya toh u pyllait na ka CAB.

Da ong u wa ka Party da e yumut ko ha u Montri Rangbah wa toh u ap u yei e yumut yong waroh ki seiñ wa em ha ka jylla, wot wow khut da ka dorbar kyrpang neibynta wow yaklam hajrong ka CAB wei wow pynkylla ya ka Sixth Schedule ka riti synchaar ka ri.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Pangniang da ong u wa neiliang u Conrad da pynsñiaw u yei yahaap hajrong ini i e yumut ka Party wei wa nadooh wa sdang oo leh pyrchah u ya ka CAB.