U president ka People’s Democratic Front (PDF) uwa man leh u MLA na Sohra, u Gavin M Mylliem da ong u wa hadooh katni ka party namo ki MLA ympu chim rai ki wow lai psiah noh wa ka National People’s Party (NPP) kawa yahkhmat ya ka sorkar.
Da ong u wa ka NPP nadooh ka sngi wa jop ya ka Election hi da pynsñiaw ko lyngba u National President, u Conrad K Sangma. Heijooh i por da kyntait u ya ka khubor wa i psiah cha ka NPP daw man i chwa ka Election ha Sohïong.
Da ong u leh wa da em i khut da kiwi ki seiñ wow man noh iwi, ym du ka NPP.
Da ong u wa u chim ya kat kani ka rai toh kawa emkaam wow yaphyllu yumut bha hapoh ka Central Executive Committee yong ka party, wei kamwa man hadooh katni ympu em ka rai yeiwa kyrpaad ka NPP.
