Shillong: Ynne ka sngi uwi na kiwa yahkhmat ka liang pyrchah, u Charles Pyngrope da tyrwa u ha ka yung dorbar wow ah mar chiteiñ (50%) ya ka tulop ki 60 MLA ka jylla wei yeini da tyrwa u ha ka yung dorbar mang tyngka ka jylla kawa da pteiñ biang ynne ka sngi hadien wa da sangeh ko neidaw wa sdang poor ka khlam u COVID-19.
Kam wow poynkynmoo heini, dang ini wadep da rai wow ah 10% na ka tulop chi snem yong ki MLA wow e cha ka Chief Minister’s Relief Fund wow yakhun ya ka khlam u COVID-19.
U Charles da ong u wa 10% na ka tulop ki MLA man ko du T. 6,000 iwa ym yahaap wei emkaam wow khate 50% deiwa pynrap wa ka sorkar toh u su pura ko ya ka tulop ki wakreh ha ka Group B, C wa D.
Da ong u wa i daw wa emkaam wow su pura ya ka tulop ki wakreh sorkar neibhah wa emkaam wow su ki ya ki ram wa da chim ki.
U Pyngrope da ebuit u leh wa waroh i lai luti (Tour) ki Committee waphær waphær toh u sangeh noh ki ha uni u snem wei ka poisa neini ye u pynlut ha i yakhun ya ka khlam u COVID-19.
Kaam wow pynkynmoo biang heini, ka sorkar da rai ko wow khate chwa chipor chietiñ 50% ka tulop yong u montri rangbah wa kiwi ki montri, ki sahep All India Services Officers wa kiwi ki sahep ka sorkar pyrdi kiwa kreh ha ka sorkar jylla kam chibynta wow pynmih poisa ha kani ka yakhun. Da rai ko leh wow khate 35% na ka tulop ki sahep Group A & B, wa 25% na ki wakreh wa haap hapoh ka Group C Staff ki chnat waphær waphær.
Discussion about this post