15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Ymtoh u tieñ lada yap ki sniang na ka Classical Swine Fever: Prestone

0 Comments

Shillong: Em hadooh 30 tylli ki sniang kiwa da yap ha ka jylla nadooh ka tayaw wa nyngkong uni u bnai hadooh ka 15 tarik uni u bnai, wei yeini da jubab u symbood montri rangbah ka jylla uwa man leh u montri ka chnat Animal Husbandry and Veterinary Department, u Prestone Tynsong yeiwa kylli u MLA ka Mawlai, u PT Sawkmie.

Katkam ka bui na ka ICAR Umiam da ong wa i daw wa yap kini ki sniang kiwa yatoh na ka kjut Classical Swine Fever heiwa ki sniang wa yap man ki du 1.4% wei em hi ki dawai (Vaccine) neibynta ini i kjut wei ym toh naka African Swine Fever.

Advertisement ad1

U Prestone da ong u leh wa kani ka kjut ym poor ko cha ki bru katwa kamtæ ymtoh u man kiwa tieñ wei kani ka kjut poor ko du hapyrdi ki sniang wei ki dak ki chin wa yoh ki sniang ya kani ka kjut toh wa iñdoh, wym bang baam, kylla rong ki pyllung, wa kiwi kiwi.

Ki sniang wa da yap ha ki District man ki kamni; ha East Khasi Hills 9, Ri-Bhoi 12, West Khasi Hills 2, Mairang Sub Division 4, West Jaiñtia Hills 1, East Garo Hills 1 wa East Jaiñtia Hills 1.

U Sawkmie da kyntu u leh ya ka sorkar wow su bai lutsan ya ki tre sniang hadien wa da yap ki sngiang wei wow su da ka poisa namo da ki khon sniang.

Previous
Next

0 Comments

Leave a Reply