Ka India kat dang mih ki sngi dang chah ktah joor bha ko ha ka khlam u COVID-19 wei ynnin ka sngi ka sorkar Pakistan da tyrwa e yarap ko ya ka India hei yakhun ya ka khlam COVID-19.
Katkam ka Foreign Affairs Ministry ka Pakistan ynnin da tyrwa ko wow yarap da ki Ventilator, Bi PAP, Digital X-ray Machine, PPE wa kiwi kiwi.
U montri ka Pakistan uwa pait ya ki kaam baar ri, u Shah Mahmood Qureshi da ong u wa ini i tyrwa yarap toh i kaamram para bru wei wow pynyoo yei yatylli wa ki paidbah ka India ha ini i yakhun.
Da ong u leh wa i yarap para bru ym emkaam i yei pynyoo yei yaphær hapyrdi ki ri.
U montri rangbahdooh ka Pakistan, u Imran Khan da pynsñiaw u yei mynsien wa khia wei i yatylli wa ki paidbah ka India ha kam kini ki por wa wan arsien ka khlam COVID-19.
Da e u leh ka khubor sñiawlem wei da kyrmen u wow chait smat noh kiwa dang chah ktah deiwa pynrap wa kam ki bru pyrthai emkaam wow yakhun ya kam kini waroh chirup deilang.