theme-sticky-logo-alt
theme-logo-alt
Advertisement ad1

U-15 Inter District Tournament: Jop ka AJCA waka EJCA

Ka All Jaintia Cricket Association (AJCA) da jop ko da 38 Run ya ka East Khasi Hills ha ka U-15 Inter District Tournament ynne ka sngi katwa ka Ri-Bhoi da rem ko da 5 Run pyrchah ya ka East Jaintia Cricket Association (EJCA).

Waroh kini ki yalehke ka Zone 1 toh kiwa pynman ha Nongkhrah, Nongpoh, Ri-Bhoi.

Ka AJCA da phah Bat nyngkong ya da ka East Khasi Hills District Associtation heiwa da kamai ko da 107 All Out na ki 20 Over. U Heiyoomiki Ryngkhlem da kamai boon dooh da 27 katwa u Dameiaidap Wahlang da yoh u 3/12.

Hawa kadong, u Man-of-the-match, u Eshan Siangshai da yoh u 3/19 ya ka AJCA yow ksoh ya ka EKH District Cricket Association da 69/9.

Hapyrdi ka EJCA waka Ri-Bhoi District Cricket Association.

Ka EJCA da jop ko ya ka kylla khlem wei da jied ko wow Bat nyngkong heiwa u Shan Tamang (38 Not Out) uwa da wan cha pyrdi da pynpoi u ya ka liang yong oo cha 131/8. U Sanjay Sapkota da yoh u 5/17 da ka bol.

U Soojal Roy da neh slem u ya ka Ri-Bhoi deiwa yoh 43 na 38 bol, tangwa ym ye wow poi chei jop heiwa hadooh wa kut ki 20 Over da yoh ko 126/7. U Vinit Patel da yoh u 2/19 wei da ka Bat da yoh u 20 na 13 bol ya ka East Jaintia yow yoh leh yei naam Man-of-the-match.

Share this:
Previous

Da ki Tin, ki Pump wa ka thaw sait-that e u Jesse Suiam ha Nongkhroh

Next

Kyntait u Speaker wow pyndam man MLA ki 12 ngut kiwa psiah AITC