November 20, 2022
Ka Meghalaya da rem ko da chi Innings wa 38 Run pyrchah ya ka Jammu and Kashmir hapoh ar sngi haka U-19 Cooch Behar Trophy ha Mangaldai, Assam.
Ka Meghalaya da pynhaap ko yaka J&K da 296 Run ynnin wei da jubab ki da 63/2 hadooh wa kut ka sngi. Tangwa ynne da haap lut ki deiwa kamai 144 haka Innings wa nyngkong wei haka Innings wa ar won da kamai ki 114 Run hadien wa phah ki wow leh ki yaka Follow-on neidaw wa duna kamai Run ki.
Advertisement
I kamai ynnin toh iwa boon wa da wan na u Mrinal Das uwa yoh 40 Run uwa da haap chwa wow kut ka sngi. Ynne u Mrityunjay Bharali da neh slem u tangwa da haap u deiwa kamai 33 Run, katwa u Sachin Kumar da kamai u 25 Run. Hanla em du uwi uwa yoh nod, ym de kiwa ye u kamai 10 Run chaneiñ heiwa ka Meghalaya da haap lut ki Wicket deiwa kamai 144 Run.
Deiwa hap u leh yaka Follow-on, ka Innings wa ar da tlot chooh chooh ko heiwa u Das da kamai boon u deiwa yoh 28 Run. U Sachin won da yoh u 19 Run tangwa uwa da lehbha dooh toh u Avinash Rai, uwa da kamai 48 khlem haap wa kynthup ya 7 tylli ki 4 Run wa kawi ka 6 Run.
Tangwa da haap won 6 tylli ki Wicket ka Meghalaya deiwa yoh 18 Run wei da kut i kamai da 114 Run iwa duna 38 Run yow phah Bat biang yaka J&K sa chisien.
Ka Meghalaya kattu daw yachem ko waka Karnataka nadooh kani ka 26 tarik.
Advertisement
