theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

U-25 Men State A Tournament: Rem ka Meghalaya haka Uttarakhand

Ka Uttarakhand da jop ko yaka Meghalaya da 7 Wicket ha ka yalehke wa nyngkong yong ki haka U-25 Men State A Tournament kawa man ka One Day Tournament wa pynman da ka BCCI ha Mohali ynne ka sngi.

Ya ka Meghalaya da phah Bat nyngkong heiwa da kamai ko da 177 Run deiwa dooh lut ki Wicket heiwa ka Uttarakhand da jop ko yeini deiwa suk ha ka 39.5 Over deiwa dooh 3 Wicket.

Advertisement ad1

Ya ka Meghalaya da ka Bat da lehbha da u Arien Bonchang Sangma deiwa kamai 50 na 62 bol (9x4s).

Ha iwi i por, ka Meghalaya da yoh ko 28/3, tangwa u Sangma wa u Jaskirat Singh (26) da kamai ki 46 Run neibynta ka Wicket wa soo. U Jaskirat wa u Md Ashif Khan (32) won da kamai ki 48 Run yow pynyoh yaka Meghalaya 122/5 tangwa da haap smat ki Wicket heiwa da yoh won 135/8.

Ha ini i por da wan u Bipin Kumar Ray (20 Not Out) wa u Manish Sharma (14) kiwa da yaleh wow pynneh tangwa hawa kut da haap lut deiwa yoh ka Meghalaya 177 All Out, iwa rap biang ka thong ya kiwa kawang bol wow yada ki.

Hawa kawang bol, u Lokesh Turaha (1/35) da pynhaap smat u chi Wicket wei da pynbood da ar tylli na u Sudhir Sahani (2/41) tangwa ka Uttarakhand deiwa lehbha da u Akhil Singh Rawat uwa yoh 102 Not Out da pynjop u deiwa sah palat 10 Over.

Ka Meghalaya mynstep daw yachem ko waka Himachal Pradesh.

Advertisement ad1
Share this:
Previous

Emkaam wow ya tip markylliang nadooh dang khian yow yatylli ka ri: Conrad

Next

U-19 Cooch Behar Trophy: Da chi Innings rem ka Meghalaya haka Jammu & Kashmir