Shillong: Ka Meghalaya da jop suk ko da 9 Wicket yaka Mizoram haka U-19 Cooch Behar Trophy (Group Match) wa pynman ha Tezpur, Assam, ynnin ka sngi.
Hawa pteiñ yaka Innings wa ar ka Mizoram kawa kamai 132/6, ka Mizoram da haap lut ki Wicket ko da 159 Run na ki 72.5 Over yow pyntam ko da 29 Run. Ka Mizoram da kamai ko da 137 Run haka Innings wa nyngkong heiwa ka Meghalaya da jubab ko da 267 Run.
Deiwa emkaam 30 Run yow jop, ka Meghalaya da yoh ko 33/1 na 5.4 Over yow yoh yei jop heiwa u Kush Agarwal da kamai u 14 Run chwa wow haap u. U Joydeepan Deb da kam u (13 not out) wa u Aman Kumar (6 not out) yow poi cha ka thong.
Discussion about this post