theme-sticky-logo-alt
theme-logo-alt

Sa T. 400 Klur u yoh yarap ka Meghalaya neibynta ka Jal Jeevan Mission

Ki ynru tylli ki jylla kiwa kynthup ya ka Arunachal Pradesh, Manipur, Meghalaya, Sikkim, Tripura wa ka Himachal Pradesh daw yoh yarap (Incentive Grant) poisa chooh chooh ki yong u snem 2021-22 neibynta ka Jal Jeevan Mission (JJM)- Har Ghar Jal wow pynbiang um cha waroh ki manyung ha ki palat sor ha u snem 2024.

U Montri ka Jal Shakti, u Gajendra Singh Shekhawat da pdiang u wow pynlait T. 1,982 Klur kam ka Performance Incentive neidaw wa lehbha ki wow pynkrehkaam ya kani ka Scheme heiwa ka Arunachal Pradesh da yoh ko T. 542 klur, Manipur T. 120 Klur, Meghalaya T. 400 Klur, Sikkim T. 70 Klur, Tripura T. 100 Klur wa ka Himachal Pradesh won T. 750 Klur.

Ya kani ka Incentive Fund hapoh ka Jal Jeevan Mission da jied wow e yarap yow pynsmat ya ki kreh wei wow pyntikna wa kani ka Mission man ko kawa jop.

Hanlada pynthut ka khlam COVID-19 wa ki Lockdown ha ki ar snem wa dadep, i pynkreh ya ka Jal Jeevan Mission da man i iwa lai bait heiwa 2.05 Klur tylli ki manyung ha ki palatsor da yoh umkor ki ha ki yung yong ki.

Nadooh wa pynbna ya ka Jal Jeevan Mission ha ka 15 Naisaphra, 2019, da em palat 6.10 Klur ki manyung kiwa da yoh umkor, iwa da pynboon ya ki manyung wa yoh um na ka 3.23 Klur (17%) cha ki palat 9.34 Klur (48.3%) tylli ki yung ha ki palatsor ka ri.

Ha ki jylla ka thaaiñ mihsngi ka ri, kiwa man ki thaw ri-loom wa ki khloo da pynkrehkaam bha ya ka JJM wei ha ki 5 tylli ki jylla da yoh ki ya kani ka yarap poisa (Incentive Grant).

Neiliang u Shekhawat da booddien bha u ya ki kreh ha kini ki san tylli ki jylla heiwa neiliang ka JJM da phah ko ya ki dhab ki bru chemphang cha kini ki jylla wow pyndep smat ya ki kreh.

Share this:
Previous

U-23 Women’s Inter District Tournament: Jop ka EKH ya ka SCA yow psiah Final ha ka Zone 1

Next

Ym toh u kyntait ya ki poisa naar, pynche ka SDO