Ka West Khasi Hills da yoh ko wow psiah Final ha ka U-23 Women’s Inter District Cricket Tournament wa pynman da ka Meghalaya Cricket Association deiwa jop ya ka East Khasi Hills da 8 Wicket ha ka Zone 1 Final ha Nongstoin ynne ka sngi.
Ka WKH da lehbha ko da ka Bat waka bol hadien wa phah kawang bol nyngkong ya ki da ka EKH deiwa ye ki u pynhaap ya ka EKH da 72 na 27.5 Over, deiwa yoh ka Ridahun Nongsiej (3/10) kawa yoh leh yei naam Player of the Match, ka Banrihun L Nongbri (3/15) waka Evanrilin S Syiem (2/13) da ka bol.
Hawa kdong, ka WKH ym em chem chitom ko heiwa ka Sildamicresha Marbaniang da neh ko hadooh wa kut deiwa yoh 42 na 37 bol deiwa dat ya 7 tylli kiwa poi cha u pood.
Ka WKH daw yachem ko kattu waka South Garo Hills haka State Final ha ka 5 tarik.
