U Aadhaar ktah u yei ngait ki Kristan: Pastor PBM Basaiawmoit

Shillong: Ka Meghalaya Peoples’ Committee on Aadhaar ha ka yalang paidbah kawa da man ynne ka sngi da chim ko ya ka pynbna ko da ka “Opt Out Campaign” ya ki paidbah wow dam noh nei pynpsiah pyrtuid ha u Aadhaar.

Hawa yaklam hadien ka yalang pynsñiawthooh wei pynche ya kiwa boon ki bynta wa yatoh wa u Aadhaar, kawa da man ha Khasi National Dorbar Hall, u dkhot ka MPC, u Pastor Kyrsoibor Pyrtuh da ong u wa ki bru kiwa da dep wow pynpsiah pyrtuid ha u Aadhaar ye ki u yachim bynta ha ka campaign deiwa thoh ya ka chithi cha ka UIDAI wow pyndam noh yei pyrtuid yong ki.

“Ki paidbah ye ki u pait wei wow soi ya ka chithi ha yung krehkaam ka KSU kawa em ha Jaiaw ha ka 30 tarik uni u bnai nadooh 11:00 waje i step hadooh 3:00 waje i janmiet, wei daw phah won ya kani ka chithi cha ka Unique Identification Authority of India,” da ong u Pyrtuh.

Da ong u leh wa ka sorkar ymtoh u pynbor ko ya ki paidbah wow pynpsiah pyrtuid Aadhaar Number, tangwa toh u elaad ya ki paidbah wow rai ki samen wow pynpsiah namo u kyntait ya u Aadhaar.

Related posts

Ka sorkar ymtoh kawa ye hi-eh ka KSP wow maham: Sniawbhalang

December 21, 2024

Da u waheh chnong uwa man leh uwa yahkhmat seiñbalang sai kyrtong MDC ka Namdong

December 21, 2024

Da ong u wa neidaw kani  kaam dang em ko ha i bichaar ka Supreme Court, wei manda dep rai khaddooh ko wow ye u leh yeiwa emkaam.

U Pastor da ong leh wa lada ujor pyrchah ya ki tnat sorkar, kiwa paan yabor ya u Aadhaar Number daw man i tyngkheiñ ya ka hukum wa chipor ka Supreme Court wa ymtoh wow pynbor ya ki wow pynpsiah pyrtuid.

Hawa kyruiñ won cha kiwi kiwa klam da pynsñiaw ki yei pyrchah joor ya u Number Aadhaar, kiwa klam lait na u Pastor Kyrsoibor Pyrtuh, toh u Pastor PBM Basaiawmoit uwa da ong wa u number Aadhar toh uwa ktah ya i ngait wei sñiaw kiwa ngait Kristan katkam wa thoh ha ka Kotbah.

Da ong u wa lada chon dur Aadhaar ya u bru ymtip de yei pyrtuid tangwa daw tip du dei number donhi iwa wanrah yei ma ha ka synchaar paidbah lada pynnkrehkaam ya u Aadhaar deiwa pynrap wa na u Aadhaar ym ye de wow yut rieh ha iwon iwon i thaw leh neibhah da tip lut yei kaam wa leh uwi pa uwi u bru.

Heijooh i por neiliang u General Secretary warim ka KSU, u Auguster Jyrwa da ong u wa ka seiñ dei langær jooh phah sangeh ko ya ini i chon dur Aadhaar.

Ha kane ka sngi palat chi hajar ngut ki paidbah na kylleiñ ki bynta ka Khasi wa Jaintia Hills wa wan ban sniaw.