Shillong: Uwa yahkhmat ka National Peoples’ Party (NPP) uwa man leh u Symbood Montri Rangbah ka jylla, u Prestone Tynsong ynne ka sngi da ong u wa ki MLA wa emlang ha ka sorkar Meghalaya Democratic Alliance (MDA) ki yatylli ki wow pynjop emburom ya u kyrtong ka Party ha ka Election MP cha Rajya Sabha ka wow man haka 19 tarik uni u bnai.
Da ong u waka MDA em ko daka Committee kawa da jied ya u kyrtong wei hadien wa ya syllok wa waroh ki Party kiwa em haka sorkar, da mynjur ya i pyrtuid yong u Dr. WR Kharlukhi wow man kam u kyrtong wa hunlang.
Hajrong i rai yong u MLA wa samen na ka KHNAM, u Adelbert Nongrum wa ym ya chimbynta ha katai ka Election, u Prestone da ong u wa ini i rai wa toh katkam i sñiawthooh samen yong u MLA, deiwa ong leh wa lada u MLA sñiaw u wa i jied ya u kyrtong da ka MDA ym biang i, ye u wow dam noh u kyrchaan yaka sorkar.
Da pyntip u leh wa neiliang ka MDA daw chong biang yaka yalang haka 17 tarik uni u bnai wow pyntikna yei jop ya u Dr. Kharlukhi.
