Jowai: Ka seiñ MPUF-Laskein Circle ha ka khubor wa da pyllait da pynsñiaw ko yei mynsien wa phylla wow tip wa uwa yahkhmat ka seiñ ki truck wa tip kam ka All North East Commercial Truck Owners & Operators Association u Augustine Shanpru wa man u kam u Dalal (Agent) ka Ynñiawmer Weighbridge.
Ka seiñ da ong ko wa u Shanpru toh jooh kyrchaan bha ya kani ka Weighbridge wow thaw khia ki ha kani ka thaw deiwa e daw wa man ko ka thaw wa biang hanlada man ko ka thaw wa em hapyrdi ka jylla ym ha ki Entry Exit ka jylla Meghalaya.
“Heithaw wow pyrchah u ya ka Ynñiawmer Weighbridge wa thaw khia ko ya ki truck wa wan na waroh ar liang u sarok (wa wan na Shillong wa kiwa wan na thaiñ Khliehriat) wei ym salia u wow kyrchaan bait ya kani ka thaw” da ong ka seiñ deiwa kam leh wa ka ye ko wow pynsakhiat wa u Shanpru toh u dalal kani ka weighbridge katkam wa mih ha ka Special Leave Petition ( C ) No.9965-9966 of 2012.
Da pynap ko leh yei sñiawkhia wei mih i awri awra ha kani ka thaw dei langær wei hajrong ini ka seiñ da kyrpaad ko ya ka sorkar wow pyndam noh ya kani ka weighbridge neibhah wa em ko hapyrdi ka jylla wei em ko leh ha ka liang wa pyrchah (wrong side) ya ki truck wa wa na ki thaiñ Shillong.
“Iwa phylla chooh toh wa u Shanpru ymjooh pynbaad u pyrchah ya kani ka weighbridge hei yatoh wa i chim poisa palat ko da ki phaw snem tangwa kyrchaan bait u ka napoh napoh, katwa kam kawa em ha Umtyra Weighbridge yaleh u wow thooh daw ya ka khnang wow u yohlaad wow pynskem ya ka Ynñiawmer” da ong u Hamwer Bhoi uwa man kam u President ka MPUF- Laskein Circle.
Ka seiñ da maham ko wow paan da ka RTI wow tip bniah hei yatoh wa ini.
Discussion about this post