Ynne ka sngi hawa yaklam wa u SP ka East Jaiñtia Hills, u Jagpal Singh Dhanoa hajrong i pdung bom IED ha Police Reserve ha Khliehriat da pyntip u wa ini da jia i hapyrdi 1:30 hadooh 1:45 ynne i synyaaw wei ym em wa mynsoo ha ini jia.
Da ong u wa ha uni u IED da pynemkaam da u Dynamite (Jalatine Stick) uwa 3-4 kilo ya kiwa da song ha ka tin chirup wa kiwi ki naar (Splinter) wei da pdung u ha lait i kamra chetja we neitæ i daw ym em wa mynsoo ha ini i jia.
Chooh chooh da ong u wa ki damok wa emkti ha ini i kaam ye ki wow kynthih na i chram iwa em hadien ini i thaw wei katni dang pynman ya ka takit wow chemdien ya kiwa emkti.
Hawa kylli won lada ini i jia em yatoh i wa i jia pdung bomb ha ki por wa dadep ha ka District, u Jagpal da ong u wa ya katni ymye u ong iwon iwon hajrong ini.
Da pyntip u leh wa daw takit ya ini i kaam da ka SIT (Special Investigating Team).
