Kam chibynta wow pynkhreh yaka Lok Sabha Election, neiliang u Chief Electoral Officer ka Meghalaya, u Dr. B.D.R Tiwari ynnin da khut pynman yalang u wa u Nodal Officer ka H.Q Eastern Air Command Upper Shillong, u Group Captain A. Sharma, u Director ka NEIGRIHMS, u Nalin Mehta, ka chnat Transport, ka Directorate of Health Services (MI), u State Nodal Officer CAPF wow yaklam yow booh da ka Air Ambulance namo ka Chopper Service neibynta ki kaam wa emkaam jhan yow yoh sumaar ha ini i por em ka Lok Sabha Election.
Ka thong toh wow booh da ka Helicopter wei wow e sumaar khlem da hap su ya kiwa kreh ya ki kaam Election.
U CEO da ban joor u wa ka ECI da sñiawkhia ko yeiwa emkaam wow em i e sumaar wa bha tam kamjooh iwa khlem da hap su wei hanla i rukom man ka jylla toh iwa eh tangwa u yaleh katwa ye yow kit da ka Helicopter lada em iwa emkaam jhan wei ini hap u leh katkam wa da phah da ka ECI.
Yow booh ya kani ka Helicopter yow kit ya kiwa kjut wa chitom nadooh ki pulit, ki chipai wa kiwi ki bru wa kreh Election, neiliang ka yung krehkaam u CEO daw phah ko da ka chithi cha ka Ministry of Defence yow leh yeiwa emkaam da ka chnat Transport deilang waka Air Force yow booh ya ka Helicopter wut-wut yow kit ya ki pulit kamjooh yow thooh ya ki thaw hiar ka Helicopter.
U CEO da yaklam u leh wa u Director ka NEIGRIHMS wa u DHS (MI) yow e sumaar deiwa khlem su ya kitu kiwa lai kreh Election Lok Sabha hapoh ka jylla.
Da phah leh ya ki wow pyntip ya waroh ki PHC wa CHC deilang wa ki Hospital wow man ki kiwa da pynkhreh lada emkaam sumaar jhan wei da kyntu leh ya u DHS (MI) wow pynkhreh ya ki bru deilang waka Ambulance yow e yarap ha iwon iwon i por.
Discussion about this post