U Chief Justice ymtoh u khlam bieñ u ya kiwa wan yaleh mukotduma | Ym em sihlet uwa mut kawang juti

U muktiar ka Supreme Court, u Rakesh Kishore uwa da mut wow kawang juti ya u Chief Justice ka India, u BR Gavai ynnin ka sngi, da ong u wa ym em sihlet u yeiwa da leh u. 

Ynne u Kishore da ong u wa da sñiawsih u yeiwa klam u Chief Justice hawa kyntait ya ka PIL wow chna pynmiat ya u mot u Blai Vishnu ha Javari Mandir wa em ha Khajuraho.

Ya kani ka PIL da ujor ha ka 16 tarik u Naikhynde, heiwa u Chief Justice Gavai da kyntait u ka deiwa ong dieh ngooh Blai ha uni u mot wei wow phah ya oo wow pynchna hi u Blai yei khlieh uni u mot.

Kamtæ u Kishore da ong u manda pynmih hukum ka Supreme Court lada ym ye u yarap ymtoh won wow beiñ ya kiwa yaleh mukotduma.

U Kishore da beiñ u leh ya ka Supreme Court hajrong i pynemkaam poohchiloom ki sorkar jylla wow tympra ya ki yung ki bru.

Related posts

Pynbna ka ERO ya ki Polling Station wa em hapoh ka Amlarem Constituency

October 7, 2025

Da ki Tin yung e yarap ka HNYF East Jaiñtia cha ka manyung wa emkaam yarap

October 7, 2025

Hajrong i chah beh (Suspend) ha ka Bar Council, u Kishore da ong u wa hapoh ka Section 35 ka Advocates Act, toh u chna ya ka Disciplinary Committee, wow e Notice wei toh u chah ya oo wow jubab u tangwa ka Bar Council da lailait ko yeini.

Hadien wa mut u kawang juti, u Kishore da chah takit u ha ki pulit hadooh 3-4 kynta ynnin.

Heijooh i por u Kishore da ong u wa da pynkhreh u wow chah kem wei ym paan maap u neibhah wa u Blai wa yahluti ya oo.

Da ong u leh wa ha katu ka sngi ymtoh wa da muiad u, wei ym em tieñ næ sihlet u yeiwa jia.