U chna 1,30,000 tylli ki yung ha i lut wa Rs.1,700 klur hapoh ka PMAY: Conrad

U Montri Rangbah ka jylla, u Conrad K Sangma ynne da saam u ya ki Work Order yong ka Pradhan Mantri Awaas Yojana (PMAY) cha kiwa yoh myntoi ka chnong Mawlyndep, Umsning C&RD Block, Ri-Bhoi District hapoh ka Saansad Adarsh Gram Yojana (SAGY-II).

Hawa e i klam, u Conrad K Sangma da ong u wa ki kaam pynroi toh u wan i ha kylleiñ ka jylla deiwa pynrap wa lada i kaam pynroi ym poi i cha ki kdong ki chmiang pynyoo wa i kaam pynroi man iwa dang duna.

Da ong u wa ka sorkar da pyrchang ko wow wanrah ya ki kaam pynroi wa har rukom nadooh ki heh hadooh i khian ha kiwa boon ki liang yow kdup lang ya waroh.

“Kani ka PMAY ynne da pynyoo wa da lai chakhmat yow pynyoh ya ki kaam pynroi cha waroh wei toh i thong ka sorkar wow pyntikna wa waroh ki 5 tylli ki jait wa emkaam u yoh lut nadooh ki yung sah, i yoh bordiñ, i pynyabi ya ki chnong da ki sarok, ka um-dih wa i yoh Mobile Network,” da ong u Conrad.

Related posts

Pynbna ka VPP ya ki kyrtong MDC ha ka JHADC wa KHADC

November 13, 2024

Kyntu ki seiñ ki jaitbru ri-loom ka Manipur wow dam u chibynta ha ka Election District Council

November 13, 2024

Da pyntip u leh wa em 1,30,000 tylli ki manyung kiwa daw chna ha uni u snem mang tyngka hei lut wa Rs. 1700 klur wei da yoh leh ya ka poisa neibynta ini yow yoh myntoi sakhiat kiwa boon bha wei da kyntu u ya kiwa yoh myntoi wow pynemkaam hok ya ka poisa. 

U Conrad da khana u leh wa ki waheh chnong, ki BDO, ki Project Director emkaam wow kreh ki chirup wow pynsñiawthooh ya kiwa yoh myntoi heiwa kammon wow pynemkaam ya kani ka poisa.

Da khana u leh ya ki kaam pynroi neibynta ka Mawlyndep wa ki chnong wa jan kiwa daw pynpoi.

Da pynbna u leh wa em 97 ngut na Mawlyndep kiwa da yoh ya ki Work Order ka PMAY. 

Ha kani ka sngi da emlang u Dr. WR Kharlukhi, MP, Rajya Sabha, u MLA ka Umsning, u C. Lyngdoh, ka MDC ka Umsning, ka Macdalyne Sawkmie wa kiwi kiwi.