Shillong: U Working President ka United Democratic Party (UDP), u Paul Lyngdoh, ynne ka sngi da ong u waka Party daw jop boon ko ha ka Election MDC cha ka Khasi Hills Autonomous District Council (KHADC) wa Jaintia Hill Autonomous District Council (JHADC).
U Lyngdoh da ong u wa hadooh ynne ka sngi ka UDP ym emkaam ko ya i yarap na kiwi ki Party yow chna ya ki Executive Committees (EC) ha waroh ar ki District Council.
“Daw pyrkhat won i hadien tangwa katni hi sñiawskhem i wa ye i wow kreh samen,” ong u Paul.
Da jubab u leh ya u heh ka liang pyrchah u Dr. Mukul Sangma uwa da kam wa du ka Congress wa ye u yada ya ki paaid ka thaaiñ mihsngi.
Katkam wa kam u Paul Lyngdoh, ka Citizenship (Amendment) Bill toh kawa da wanrah nyngkong da ka Congress.
Chooh chooh da ong u wa u Prime Minister wa nyngkong dooh ka ri u Jawahar Lal Nehru ha ka chithi wa thoh u cha Chief Minister wa nyngkong ka Assam u Gopinath Bordoloi da kyntu u ya u Bordoloi wow pdiang ya ki Hindu kiwa yut chnong na East Bengal (Bangladesh).
“Kammon won katni ka Congress kyntait ko ya u Nehru,” da ong u Paul.
Da ong u leh wa i thmu ka BJP’s toh wow pynman tre ri ya ki Hindu wa wan na Bangladesh, tangwa ka Congress won kwah ko u pdiang ya ki 10 million ngut ki Muslim na Banglades.
“Ki yi wa maa ware?” Kylli u Lyngdoh wei da pynrap u deiwa ong kini ki kaam daw booh ko hei maa ya ki paaid ka thaaiñ mihsngi.
Discussion about this post