Ynne ka sngi man ko ka sngi wow sahkynmoo ya ki paidbah ka thaaiñ Amlarem Civil Sub-Division heiwa u Montri ka sorkar jylla uwa man leh u MLA ka Amlarem, u Lahkmen Rymbui da pynbna u wa ynne ka sngi da yoh u ya ka chithi (Sanction Letter) na ka sorkar pyrdi wow chna noh ya ka Eklavya Model Residential School (EMRS) yong ka Amlarem Block.
Ya kani ka skur daw chna ha Umladukur ha i thaw wa da e sñiawbha da ka chnong iwa heh hadooh 15 Acre.
Da pyntip u wa u chna ya kani ka skur daw chna ha i lut wa T. 45,79,99,000 wei ya kani ka skur hap pyndep u chna hapoh 30 bnai.
Hapoh kani ka skur u pdiang hadooh 240 ngut ki khynnah chynrang wa 240 ngut ki khynnah kynthai iwa man waroh 480 ngut ki khynnah nadooh Upper Primary hadooh Class XII.
Kini ki khynnah u lai skur ki dei mynkna kam ka skur JNV wei ki bru ye ki wow pynbaad wa kani ka skur ha Umladkhur toh kawa na ka sorkar pyrdi, kamtæ kylli u ya ki weileh oo toh u Pakistan mo neibhah ka sorkar pyrdi toh ka yong kiwa chong chnong ka ri waroh.
Kini ki EMRS toh ka yong ka chnat Ministry of Tribal Affairs neibynta ki khynnah Schedule Tribe wei da sdang ya ki ha kylleiñ ka ri na u snem 1997-98 wei ki khynnah ye ki wow lai Class nadooh Class VI hadooh Class XII.
