U Montri ka sorkar Nagaland, u Temjen Imna Along Longkumer da yaroh u ya u Montri Rangbah ka Meghalaya, u Conrad Kongal Sangma deiwa ong wa u Conrad da kreh rap bha u kam u Montri Rangbah wow pynman ya ka Meghalaya ka chlem i puræ puthi, wei i daw toh wa da yoo wa ki hajar ngut ki khynnah na ka thaaiñ mihsngi wan puræ ki ha Meghalaya wei khamtam ha Shillong.
Ha iwi i liang u Tenjam da ong u wa daw em bait i eh i khor ha man ki jylla neibhah i kwah ki khynroo mih i man-ka-sngi wei kamwa man i kylla leh mih i ha i puræ puthi, deiwa pynrap wa katkam wa tip u, u Conrad da kreh bha u wow pynman ya ka Meghalaya ka chlem i puræ puthi wei neini i daw da yoo wa da ki hajar ngut ki khynnah na kaa thaaiñ wan puræ ki ha ka jylla.
Da ong u wa ha iwon iwon i kaam em bait i eh i khor wei i wan ka National Education Policy, u Montri Rangbahdooh, u Narendra Modi da chynna jngai bha u neibynta wow kyntu kynrong ya i puræ puthi deiwa pynneh ya i man kawi ka ri India.
U Montri ka sorkar Nagaland da yaroh u ya ki paidbah ka jylla kiwa da pynman ya ka Meghalaya ka chlem wow e yei stat, khamtam ka NEHU kawa kyrchaan ya kiwi won ki skurbah wa kiwi ki thaw puræ ha ka thaaiñ mihsngi, wei da ong u wa hadooh katni ka NEHU toh kawi na ki chlem wow e i stat wa waroh kyruiñ khmat ki cha ka.
