Ka Florence Total Women and Maternity Care cum Diagnostic Center wa em ha Salaroh, Jowai da yieñ ko wow ksohkti lang wa kiwi kiwa embynta wow e sumaar sukhær hadien iwa jia ha Kolkata ha ka 9 tarik uni u bnai heiwa kawi ka Doctor da chah slaitbor wei chah tynyap beiñ ko pyn hapoh ka thaw kreh ko ha RG Kar Medical College.
Hadien ini won da em ki paidbah wa boon wa da wan wow lai leh pynsih ya kani ka Medical College ha ka 15 tarik heiwa kiwa lai puræ kiwa chong pynman yakhih leh da chah tba kti ki.
Neiliang ka Florence TWAM Care da beiñ joor ko yeini wa jia wei kam ka dak wow pyrchah yeini wei wow pynyoo yei yatylli daw khang yei e sumaar ha ka 17 tarik uni u bnai.
Ini i rai man ko leh kam chibynta wow krehlang wa ka Indian Medical Association (IMA) kawa da khut yei ya krehlang yow dawa yei emkaam wow yada wei wow burom ya kiwa kreh ha ki kaam sumaar sukhær.
Neiliang ka Florence TWAM Care da pynsñiaw ko yeiwa sñiawthooh yei thut ya ki paidbah deiwa khang tangwa da khut leh yei ya krehlang yong phi wei lada emkaam phi i sumaar wa jhan ye phi u lai cha ka Dr. Norman Tunnel Hospital, Jowai næ ka Woodland WK Hospital, Sabah Muswang.
Da kyntu leh ya ki bor wa toh u pait yeini wow leh smat ki yow pynyoh yei hok ka manyung wa chah ktah da ini wa jia wei kamjooh wow pyntikna wa chngaaiñ i thaw kreh kiwa e yei sumaar sukhær.
Discussion about this post