U Dr. Mukul kwah u wow pynlai samen ya i khih mooyong hapoh jylla: Conrad Sangma

Shillong: U montri rangbah ka jylla, uwa man leh u National President ka NPP u Conrad K. Sangma ynne da pynbaad u ya u Dr. Mukul Sangma yei leh embor u heipor wa man u kam u montri rangbah iwa da ktah joor ya ki paidbah khamtam hadien wa da khang mooyong.  

Da ong u wa u Dr. Mukul Sangma ymem leh u iwon iwon hadien ka hukum ka National Green Tribunal (NGT) iwa da ktah joor ya ki paidbah khamtam ha ki thaaiñ mooyong. 

Chooh chooh da kylli u wa neiyi i daw wa u ka sorkar u Mukul wym em ujor pyrchah ya ka hukum ka NGT ha ka Supreme Court wei ha u 2018, ka MDA manda wan ko hei bor da haap sdang ko nadooh wa sdang, ya ini da ong u Conrad Sangma ha ka yalang paidbah ha Jadi, South Garo Hills ynnin i janmiet.

“Ka NPP da ujor ko pyrchah ya ka hukum wei dang yakhun ko yeini hapoh Supreme Court,” da ong u, deiwa pynrap wa ha u snem 2015, heipor wa kylli ka sorkar pyrdi na ka sorkar jylla hajrong wow pynyait ya ka jylla na ka Mine and Mineral (Development and Regulation) Act, ka sorkar warim ym em leh ko iwon iwon leh.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da pynbaad u wa u Dr. Mukul kwah u wow pynlai samen ya i khih mooyong hapoh jylla khlem kheiñ ya ki paidbah.

Da ong u wa ha u 2016, ka Ministry of Coal yaleh ko wow pynyait ya ka Meghalaya na ka MMDR Act wei wow yoh ya ka rai na ka Ministry of Home Affairs tangwa ka sorkar u Mukul Sangma ym em jubab ko yeiwa kwah ka Ministry of Coal wei ka chithi leh da wiar ko.