U symbood montri rangbah ka jylla u Prestone Tynsong da ong u wa uwa yahkhmat ka liang pyrchah haka yung dorbar chna aiñ ka jylla uwa man leh u Doctor u Dr. Mukul Sangma, toh u pynche u ya uwa e ktien ka Congress Legislature Party (CLP) u Zenith M Sangma chaphang ka Medical Code of Ethics heiwa hap wow burom ya kiwa em yei chitom ym toh kamwa dawa ka Congress wow pynbna yei pyrtuid kiwa yoh COVID-19.
Da ong u wa ki Doctor ym du hapoh ka ri kamjooh hapoh pyrthai da em ka kyndon wa da smai ki wa hap wow yada yei yong samen kiwa yoh kjut wei lada em wa wan kylli iyi yoh kjut uwa sumaar ki, ym hoi u khana ki.
Heijooh i por da ong u wa neiliang ka sorkar ka pyntip ki cha ki dorbar chnong yei pyrtuid kitu kiwa em hei maa wei wa kiyi kiwa yoh COVID-19 wa yajan ki yow ye u booddien.
Da ong u leh wa ka sorkar da leh ko katwa ye wow yaleh pyrchah wei ym dooh wa em i duna heini heitai tangwa u ong won ym em chimkhai ya kani ka kaam toh iwa bakla.
Da pyntip u leh wa u Chief Secretary ka sorkar jylla da yachem u leh wa kiwi ki heh ki chnat chipai yow yaklam hei wow booh ki da ka yong ki hi ka thaw wow Test ya ki bru yong ki pyn ha ki thaw wa em ki chipai yow lait wow kit yaki chipai na iwi i thaw cha iwi yow duna leh ka yukit ka sorkar.
Da ong u leh wa yow leh ya ini emkaam wow yoh bor naka ICMR.
