Ka Voice of the People Party (VPP) da rai ko wow e FIR pyrchah ya u Montri ka chnat Puræ Puthi, u Rakkam A Sangma deiwa pynbaad wa wanrah u yei sñiaw yaphær jaitbru hapyrdi ki Khasi wa ki Garo hadien wa poor iwi i Video ha u WhatsApp yeiwa klam u ha kawi ka yalang paidbah ha Garo Hills deiwa ong wa daw wiar ki jaitbru Garo lada wan ka VPP hei bor.
Ini wa klam u toh dei ktien Garo tangwa da em wa pynkylla chei ktein English yeini wa klam u.
Ka VPP da kam ko wa lada toh iwa em sakhiat iwa klam u, da toh wow hiar chuki u kam u Montri sorkar wei wow pynchitom oo katkam ka aiñ.
Hanla kattæ leh u e FIR bait yow takit yeini waroh neibhah wa da joor i chah pynbaad ka VPP wa man ko ka Party kawa pynyaphær jaitbru wei da paan leh ya ka sabut lada em wa jooh ong wa man ko pyrchah ya kiwi ki jaitbru.
Discussion about this post