Shillong: Ka Khasi Hills Autonomous District Council da rai ko wow e yarap T.1000 samen cha ki Community Quarantine Centre wa da pynlai da ki dorbar shnong.
U Chief Executive Member ka KHADC, u Titosstarwell Chyne da pyntip u wa em 243 tylli ki Quarantine Centre wa da pynlai hi da ki dorbar chnong kiwa haap hapoh u pood u ang yong ka KHADC, wei ha kini ki Community Quarantine Centre da em 1121 ngut kiwa da liwan na baar jylla kiwa sah wow pyndep katkam wa phah ka chnat i chait i khiah.
Katkam wa pyntip u CEM, ka Mawlai toh kawa em boon dooh ki CQC kawa em 21 tylli wei kiwa leh Quarantine da em ki 220 ngut, katwa ka Mylliem toh ka chnong kawa duna tam wei em du 5 ngut kiwa leh ya ka Quarantine.
U Titos da pyntip u leh wa ka KHADC da rai ko wow leh ya ini deiwa e yaka poisa yarap cha kitai ki Quarantine Centre ka wow lai cha kiwa pynlai yaka kiwa daw leh yeiwa emkaam yow pynbiang ya kiwa sah Quarantine, wei kiwa boon kiwa em kiwa sah Quarantine leh u yoh boon ki deiwa kheiñ T.1000 samen.
