Ka sorkar jylla da rai ko wow e thaw chooh chooh neibynta wow chna yaka thaw sah yong ki bru kiwa sah ha Them Metor wa em ha Them Iewmawlong najrong wa da mang nachwa kawa 2.14 Acre wei daw e chooh 1.40 Acre.
Ini i rai yong ka sorkar ktoh hadien i yachem ynne ka sngi wa kiwa yahkhmat ka Harijan Panchayat Committee (HPC).
Hawa klam wa ki laad pathai khubor, u Symbood Montri Rangbah, u Prestone Tynsong da ong u wa i yachem wa kiwa yahkhmat yong ki HPC daw pynman biang haka tayaaw wa ar u bnai nyngkong u snem thymme, wei da pynsñiaw u yei kyrmen wa daw man ko ka yachem wow man kam wow pynbait syndon yei kaam.
Da ong u wa ka yalang man ko kawa mihsoh heiwa da yaklam ya boon jait, tangwa ym pu ye wow khana lut katni neibhah ka HPC dang paan por ko yow pynbait chwa para ki hajrong i rai wa da chim haka yalang.
Kam wow pynkynmoo da em 342 tylli ki tnoom yung kiwa daw kyrriah noh na Them Iewmawlong cha Cotton Bishop Road ha i thaw wa em ka yung krehkaam ka Municipal katni, wei neibynta wow booh lut ya kitai ki manyung, ka sorkar da rai ko wow e chooh yei thaw sa 1.40 Acre i thaw wa em mar chiliang sarok.
![](https://i0.wp.com/wyrta.com/wp-content/uploads/2023/12/irpgf.jpg?resize=962%2C491&ssl=1)
Discussion about this post